Myu sha tsi sara num tsang kaw na, Myu shayi myit sharawt hpa awn byin wa ai wa
( Daw May Sabai Phyu)
Ap nawng daw jau mayu ai myit hte kaba wa ai wa
Laiwa sai 10 ning ladaw langai mi laman galai shai wa ai mabyin law law hta rap ra ai galai shai ai lam byin tai wa hkra shakut lai wa ai masha law law hta mungkan rapdaw kaw na shayi share ninghkring kumhpa hpe shagrau hkrum ai wa, Gender Equality Network (GEN) a Director, Daw May Sabai Phyu gaw Num/La ahkaw ahkang rap ra lam hte simsa lam galaw ai hta mying gumhkawng ai myu shayi langai rai nga ai. Jinghpaw a myu mung rai nga ai Daw May Sabai Phyu gaw jinghpaw mungdaw hta nga kaba wa ai wa rai nga ai. Shi kawa sara wun a hkam sharang apnawng daw jau ai lam ni hpe moi kaji ten kaw n-na kasi la let, lani mi na a ten hta tsan gang n na dep hkap lu na yak hkak ai mare buga ni hta apnawng lu ai sara wun langai byin wa na matu myit mada lai wa sai re.
Prat masa a myu myu a majaw Daw May Sabai Phyu gaw shi myit mada da ai tsi sara num n byin wa ai rai tim, shi galaw mayu ai dawjau tsi sara num galaw mai ai mahkrun hpe MSF ngu ai ( sarawun hpung) hta lu la lai wa sai re. Dai wuhpung kata hta apnawng let HIV hte seng ai tsi tsi na matu tsi n law ai (sh) karum mai lam ni masat shadawn da ai hta dawn jan mat wa ai shaloi shadang sha ni hpe sha madung tawn let tsi kawn lajang ya na matu dawdan ma ai, ta tut hta gaw Myu shayi ni she hkumhkrang myit masin grau hkam kaja ma n-na, shanhte nan n hkamja nga ai a ten hta pyi dinghku kawa la hte dum n ta masha yawng hpe kawn lajang lu ai a tsam rawng ai hpe shi mu mada hkaja lu wa sai re. Dai mahkrun madup ni gaw shi hpe Num/La ahkaw ahkang rap ra na matu myit sharawt hpaawn wa langai byin wa ai shangun ai lam a madung rai nga ai.
“Masha shagu hkamja lam kawn lajang hkam la lu na ahkaw ahkang hte sakhkrung hkawmsa lu na ahkaw ahkang lu ging ai n rai ni? n dai zawn re ningmu ni nga wa ai a majaw Myu shayi ahkaw ahkang hte seng ai myit sharawt hpaawn byin wa ai re ngu shadu ai” nga n-na tsun dan ai.
Myit sharawt hpaawn byin wa ai lam
Prat masa a myu myu a majaw Daw May Sabai Phyu gaw shi myit mada da ai tsi sara num n byin wa ai rai tim, shi galaw mayu ai dawjau tsi sara num galaw mai ai mahkrun hpe MSF ngu ai ( sarawun hpung) hta lu la lai wa sai re. Dai wuhpung kata hta apnawng let HIV hte seng ai tsi tsi na matu tsi n law ai (sh) karum mai lam ni masat shadawn da ai hta dawn jan mat wa ai shaloi shadang sha ni hpe sha madung tawn let tsi kawn lajang ya na matu dawdan ma ai, ta tut hta gaw Myu shayi ni she hkumhkrang myit masin grau hkam kaja ma n-na, shanhte nan n hkamja nga ai a ten hta pyi dinghku kawa la hte dum n ta masha yawng hpe kawn lajang lu ai a tsam rawng ai hpe shi mu mada hkaja lu wa sai re. Dai mahkrun madup ni gaw shi hpe Num/La ahkaw ahkang rap ra na matu myit sharawt hpaawn wa langai byin wa ai shangun ai lam a madung rai nga ai.
“Masha shagu hkamja lam kawn lajang hkam la lu na ahkaw ahkang hte sakhkrung hkawmsa lu na ahkaw ahkang lu ging ai n rai ni? n dai zawn re ningmu ni nga wa ai a majaw Myu shayi ahkaw ahkang hte seng ai myit sharawt hpaawn byin wa ai re ngu shadu ai” nga n-na tsun dan ai.
Num/La tara rap ra lam hte n loi la ai hkrun lam
Democracy uphkang hkrang n nan galai shai wa ai a ten ladaw hta myit sharawt hpaawn langai wa re ai hte maren dai a ten hta Myu shayi ni hpe mazut roi rip ai lam ni kaw na makawp maga ya ai tara upadi pru wa na matu Daw May Sabai Phyu ni shakut lai wa sai. “Upadi masat ai ni chyena hkapla na matu anhte masum, mali ning shakut wa ai. Chyena hkapla wa ai tsang de du wa tim pyi dai hpe Upadi langai zawn byin wa na matu 10 ning ladaw ram a ten la lai wa sai. Raitim, masa lam a myu myu a majaw dai Upadi hpe shagrin masat lu ai Upadi n byin wa ai hku re” nga n-na Myu shayi ni hpe mazut roi rip ai lam ni kaw na makawp maga ya ai tara upadi hte seng n-na shi myit sharawt shadut lai wa sai lam ni hpe tsun dan ai hku re.
Dam Lada ai ningmu hte kridung ai makam
Shi gaw Num/La tara rapra lam hpe dam lada ai ningmu hku hkam la chye ai wa rai nna Num/La tara rap ra lam hpe hkrang shapraw lu jang she ngwipyaw simsa nna rawt jat ai Wuhpung Wuhpawng hpe gaw gap lu ai ngu hpe a ja a wa kam ai wa re nga ai. “Simsa ai majaw, rawt jat wa ai majaw Num/La tara rap ra lam byin wa ai n rai nga ai, Num/La tara rap ra lam nga ai majaw she simsa wa ai, bawngring wa ai rai nga ai” nga nna shi a hkamla lam hpe tsun dan ai.
Shi tsawra ai Myen mungdan a matu
N myit mada ai sha galai shai mat ai Myen mung dan gaw wan law law rai nga ai Myen mung wuhpung masha yawng a myit mada lam, hte Myit sharawt hpaawn ni a ten law law shakut da sai galai shai rawt jat wa sai lam ni hpe masat masa n galaw ya ai hte bung nga ai. Ya ten hta May Sabai Phyu gaw masa lam a myu myu a majaw shi tsawra ai Myen mungdan hpe kau da ra tim simsa lam, Num/La tara rapra lam a matu nga yang mai byin ai shara kaw na Myen mungdan a matu shanglawm na matu hte ram ma ni law law hpe mung matut shalat nga ai lam hpe chye lu ai.
Hkawnram ten kaw na Myu shayi myit sharawt hpaawn tsang de
(Daw Nu Nu Hlaing)
Dawoi ginwang gaw tsawm htap ai, sut chyai ai Myen mungdan a ginwang langai rai nga ai. Sinpraw Dingdung Asha Dan hta kaba dik htum tai wa na Dawoi Sut Chyai ginra a majaw mungkan myit sharawt hpaawn ni law law a lapran hta Dawoi ginwang hpe grau mu mada wa ai rai nga ai. Daw Nu Nu Hlaing gaw Dawoi ginwang, Tayet Chaung muklum hta shangai kaba wa nna Dawoi sutchyai ginra gawgap hpang wa ai shaloi shinggyim ahkaw ahkang hte seng ai, Media hte seng ai awmdawm ahkaw ahkang ni hpe shawa masha law law myihpaw wa na matu shakut shaja let Myu shayi myit sharawt hpaawn langai byin wa ai rai nga ai.
