2013 ning hta, Elliot Costello gaw Cambodia mungdan kaw nga ai chyahkrai ma jawng langai de sa du ai shaloi, shi a prat gaw shi galoi mung n-myit mada yu ga ai hku galai shai mat ai.
Hkrumtsup ai lam langai gaw masha mun mun sen sen a prat hpe galai shai sha-ngun na re ngu ai hpe shawng e gaw shi nchye ai.
Ndai nbyin gaw 2013 ning hta shinggyim wuhpawng a manghkang ni hpe hpareng na matu ladat shaw let shakut ai (social entrepreneur) Australia mungdan masha Elliot Costello hte Thea ngu ai num kasha langai hte hkrum tsup ai kaw nna hpang wa ai re.
Thea gaw yakhkak shoichyum la ai mabyin masa kaw nna hkye la da hkrum ai asak 10 ning re ai num kasha langai re. Shi gaw hkumhkrang hte myit mazut roirip ai lam hpe 2 ning hkamsha wa ai re. Ndai hku mazut roirip hkrum ai lam gaw Thae hpe grai sawng la ai myit nma lu sha-ngun ai. Elliot a majaw sha nrai yang gaw, anhte ndai magrau grang ai num kasha Thae a lam na yu dat na n rai nga ai.
Ya, ndai mabyin hpe ningpawt kaw nna tsun dan na yaw.
Sha-ngai chyinghkai wa ai aten hta gaw Thea a prat gaw a kaja sha re ai. Ndai Cambodian num kasha gaw laga ma kaji ni zawn sha shi kanu yan kawa a tsawra hkrum, lanu lahku bau maka hkrum let kaba wa ai. Yawn hpa gam maka gaw Thae a prat hpe jahten kau ai. Lani mi hta, shi kawa a kajawng sha n-nga mat wa ai. Kawa si mat wa ai majaw lam amyu myu hku nna yawn hkyen shoichyum na lam ni byin pru wa ai. Ndai myit nma lu hkra machyi sha-ngun ai mabyin hta e kahtap nna, yakhkak ai lam gaw, Thae a kawa gaw dinghku a matu gumhpraw tam ai wa re ai majaw, kawa n-nga mat ai hpang e, dinghku nta masha ni ja gumhpraw mayak kaba hkrum wa ma ai.
Ja gumhpraw grai yakhkak wa ai majaw, Thae a kanu gaw shi kasha hpe n-lu bau maka sai majaw, grai n-ja n-hpra let Thae hpe chyahkrai ma jawng de sa kau ai. Ntsawm ai gam maka gaw, dai chyahkrai ma jawng gaw Thae a matu mungkan ga ntsa na asak hkrung let hkrat ai ngarai di rai taw ai.
Thae gaw dai chyahkrai ma jawng a matsun du (director) kaw nna hkumhkrang hte myit hpe mazut mahkat roirip ai lam hpe shani shagu lahkawng ning tup hkamsha wa ai ngu nna Polished Man campaign kaw nna shiga tang madun da ai.
Hpang jahtum hta gaw, Thae hpe Phnom Penh kaw nga ai Hagar International kaw nna hpaw ninghtan da ai chyahkrai ma jawng de htawt sa kau ai. Dai chyahkrai ma jawng de shinggyim wuhpawng a manghkang ni hpe hpareng na matu ladat shaw let shakut ai (social entrepreneur) Australia mungdan masha Elliot Costello sa gawan ai aten ladaw laman, Elliot gaw naughts and crosses ginsup hpan hpe ginsup let Thae hte hku hkau wa ai. Shi ganing re ai zingri zingrat roirip lam ni hpe hkrum sha wa ai raitim, asak 10 ning num kasha Thae gaw mani sumsai hte kabu gara ai lam ni shapraw dan nga ai.
Thae a lata lamyin ni hpe galoi mung lamyin hkyeng tsi chya da ai. Lami ni gaw, Thae gaw Elliot a lamyin ni hpe lamyin hkyeng tsi chya ya na yaw ngu nna san wa ai. Shan lahkawng dung let rau jahta chyai ma ai.
“Shi ngai na lata lamyin ni hpe lamyin hkyen tsi chya ya taw ai shaloi, Thae hte shi hkamsha ai tsin yam ni hpe ngai galoi adum nga na matu nye a lata lamyin hpe Thae lamyin hkyeng tsi chya ya ai zawn sha galoi mung tsi chya da na ngu nna ngai shi hpe ga sadi jaw da ai” ngu nna Elliot tsun ai.
Polished Man campaign gara hkru nnan hpang wa ai ngu ai hpe chye ai i?
Polished Man kaw nna 2020 ning September 2 ya (bat masum ya shani) hta mara da ai
Thae hte hkrum shaga ai lam gaw Elliot hpe ngang hte seng nna ma kaji ni mazut roi rip hkrum ai lam hpe shayawm lu hkra, la kaba ni a lapran galai shai ai lam hpe galaw shakut na matu myit rawt myit katu sha-ngun ai.
Lata layung langai kaw sha lamyin hkyeng tsi chya ai a lachyum gaw … lamyin hkyeng tsi chya da ai lata layung langai gaw ma kaji maga kaw e ma kaji langai gaw ngang hte seng ai mazut roi rip lam hpe hkrumsha nga ai ngu ai kumla re. Jep sawk sagawn da ai jahpan ni hpe yu dat yang, ndai ma kaji ni hpe ngang hte seng nna mazut roirip ai manghkang hpe hkum pat shingdang na matu anhte n-hkring n-sa matut manoi shakut nna hpareng ra sai ngu ai hpe htawng madun dan nga ai.
YMCA kaw nna tang madun da ai shiga hku nga yang, ngang hte seng nna mazut roi rip hkrum ai masha ni a tsa lam shadang 70 gaw ma kaji ni hte asak 17 ning lawu na ma ni re ai lam hpe chye lu ai. Hkrit tsang hpa lam gaw, num kasha marai mali kaw e num kasha langai, la kasha marai kru kaw e la kasha langai gaw shanhte asak 18 ning nhpring shi yang, ngang hte seng nna mazut roi rip hkrum nga ai re.
Ndai zawn re ai ma kaji ni hpe mazut roi rip ai lam a ning pawt manghkang a tsa lam shadang 90 ram gaw la kaba ni galaw ai re majaw, ndai lam hpe galai shai lu na matu mung la kaba ni kaw madung ai ngu nna Elliot kam ai. Ndai manghkang hpe shamyit kau lu na matu, mungkan mungdan shara shagu na mying gumhkawng ai ni (celebrities) gaw ndai lamyin hkyeng tsi chya ai lam kaw shanglawm ma ai.
Polished Man hpung kaba gaw dai ni na ten hta ma kaji ni a matu grau hkrak kaja shimlum ai mungkan hpe gin shalat ai amu magam hta shakut shaja nga ai. “Polished Man langai byin tai ai ngu ai gaw tinang buga kata hte mungkan ting hta na mazut roi rip ai arawn alai hte mazut roi rip ai hku tsun shaga ai ga ai ni hpe ninghkap ai lam re” ngu nna Polished Man tang madun da ai.
Ndai lam hta ngang ngang rawt tsap let Polished Man a matu shi a lata layung hpe lamyin hkyeng tsin chya nna dat sumla mara dat ai, mying gumhkraw ai celebrity langai gaw is Chris Hemsworthre.
“Polished Man langai byin tai ai ngu ai gaw nampan mari na matu dum ai, nang gade lang tsa n-tsin mari daw ai (shnr.) nang gade lang hkumhkrang shamut shamawt ai baw hpri tawng lu hpai ai ngu ai nre. Polished Man langai byin tai ai ngu ai gaw ma kaji ni hpe mazut roi rip ai lam hpe ninghkap ai lam she re” ngu nna Hemsworth tsun shaleng dan ai.
Sumla hkrung shadang Zac Efron hte mying gumhkawng ai panglai hkaleng jawn ai wa Kelly Slater mung ndai Polished Man social media challenge kaw shanglawm ma ai. Ndai hta grau nna masha law law mung, shawa masha law law man hta e Polished Man campaign kaw shanglawm let ma kaji mazut roi rip ai lam hpe ninghkap shamyit ai lam hta rawt tsap wa na re ngu myit mada ai.
Campaign hpe gaw 2013 ning hta galaw hpang wa ai rai nna, 2014 hta gaw mying kaba ai shiga dap kaba ni a myit shangsha ai lam hpe lu wa ai.
Ndai uhpung kaba gaw shi a magam bungli hpe matut galaw nga nna, ya gaw shi ning ladaw de du shang taw sai. Australia mungdan hte mungkan shara shagu na mazut roi rip lam hpe hkrum sha nga ai (shnr) hkrum sha hkyen ai num ni hte ma kaji ni hpe myit n-ma nlu hkra makawp maga ai lam hte myit n-ma hpe bai tsi shamai ya ai lamang a matu Polished Man kaw nna American dollar gumhpraw wan 8.7 ($8.7 million) hpe hta shinggyin da lu sai re.
“End Sexual Harassment and Gender-based Violence”
“Men Engagement for Ending Sexual Harassment and GBV”
“Let’s voice out and cooperate together for Ending Sexual Harassment and GBV”
“This is just a translation Article.”
