❤️Dawoi ginwang gaw tsawm htap ai, sut chyai ai Myen mungdan a ginwang langai rai nga ai. Sinpraw Dingdung Asha Dan hta kaba dik htum tai wa na Dawoi Sut Chyai ginra a majaw mungkan myit sharawt hpa-awn ni law law a lapran hta Dawoi ginwang hpe grau mu mada wa ai rai nga ai. Daw Nu Nu Hlaing gaw Dawoi ginwang, Tayet Chaung muklum hta shangai kaba wa nna Dawoi sutchyai ginra gawgap hpang wa ai shaloi shinggyim ahkaw ahkang hte seng ai, Media hte seng ai awmdawm ahkaw ahkang ni hpe shawa masha law law myi hpaw wa na matu shakut shaja let Myu shayi myit sharawt hpa-awn langai byin wa ai rai nga ai.
❤️Myit sharawt hpa-awn byin wa ai lam mahkrun ni
❤️Na-Aa-Hpa asuya lak htak hta a sak 15 ning sha naw re ai Daw Nu Nu Hlaing gaw Dawoi Myu shayi hpung ni kaw na woi awn galaw ai mung masa hte seng ai atsam sharawt hpaji wunkat jawng langai hpe Thai-Myanmar jarik hta lung wa sai. Dai kaw nna Maesot a lithkam galaw a let, Num/La tara rapra lam, shinggyim ahkaw ahkang lam ni hpe shim ai hku shamut shamawt let hpang daw hta gaw Dawoi Myu shayi hpung hte mung shawa simsa lam ni a matu a hkyak ai myu shayi langai byin wa sai re. “Shata (6) wunkat jawng ngut ai hpang gaw prat masa yawng hpe galai shai kau dat ai zawn byin wa sai re” nga nna shi a myit sharawt hpa-awn langai byin wa ai lam hpe tsun dan wa ai re.
❤️Hkrang Kawk kata na myu shayi ni a hkaw ahkang hpe gaw sharawt ai lam
❤️Num/La tara rapra lam hte seng nna 3 lang ngu na 21 Panglung mungbawng zuphpawng hta daw chyen shagu hta myu shayi ni shanglawm lu na matu tsa lam shadang 30 shara jaw na hpe ta masat tang madun lu sai lam hpe mu lu ai. Raitim, Daw Nu Nu Hlaing hkrum wa ai masa lam law law hta myu shayi ni 30% shanglawm lu na masing hpe a hpa a htang sha mu mada ya ma ai. Rai chywi wunkat, gumhpraw hkoi ginlen ya ai masing ni hpe sha myu shayi ni a ahkaw ahkang hpe gaw sharawt ya ai masing langai zawn chye na da ma ai hku re. “Shanhte chye na ai myu shayi ahkaw ahkang ngu ai gaw hkrang kawk kata na myu shayi ahkaw ahkang ram sha mai byin na re ngu ngai mu mada ai” nga lai wa sai 10 ning ladaw hta mungdan a suya a Num/La tara rapra lam masing ni hpe lakap nna Daw Nu Nu Hlaing tsun dan ai hku re.
❤️Myit masa dingsa ni hpe rawt malam mayu ai myit
❤️Shawa Myit sharawt hpung (PACE) a 2009 Munghtawn laika hta mung masa hta myu shayi dat kasa shanglawm lam hte seng nna Myu shadang ni hte maren me madu ni hkap la da sai lam tsun ai. Raitim, mung masa arawng a ya ni gaw Myu shadang ni hta sha nga ai ngu ning mu ni gaw anhte Myen mungdan wuhpung wuhpawng kata hta naw nga nga ai hku re. Daw Nu Nu Hlaing ni mali ning laman hparan ya ai Dawoi ginwang kata na myu shayi ni a ntsa mazut roi rip ai mabyin (70) ram gaw n ta dinghku kata gumshen ai mabyin ni law ai, myu shadang ni law malawng gaw myu shayi ni hpe prat rum jan langai zawn n sawn la ai kaw na hpang wa ai re hpe chye na lu ai hku re. “N seng n ang ai sha ginghka kanawn mazum ai, wuhpung wuhpawng hpe a kyu n jaw ai myit ningmu ni hpe gaw rawt malan ra ai” nga shi tsun ai.
❤️Galai shai wa na hpe ra sharawng ai myit jasat gaw madung re ai lam
❤️Myen mungdan hta ya ten mung masa shuk chyanut ai hte rau kapyawn nna hparan mat wa ra ai lam ni law law hta Num/La tara rap ra lam mung myit shalawm ra ai lam langai rai nga ai. Myu shayi ni hte kaga Num/La hte seng nna hkamla lam n bung ai ni a ntsa mu mada ai hkrang kawk hpe galai shai ai shaloi myit masa lam galai shai na matu gaw madung rai nga ai, dai myit masa hpe “Dai ni jang mung galai shai kau dat mai nga ai, mung masa galai shai wa na a ten du hkra mung lat n ra nga ai” nga shi tsun jahpra dan ai hku re. “Ga san gaw hpa rai ta nga yang galaw mayu ai myit kaja rawng ai kun? Galai shai mayu ai myit rawng ai i? ngu ai gaw madung rai nga ai” nga nna Num/La tara rapra lam hte seng nna hkrang shapraw mat wa na lam hte seng nna mung masa hpe woi awn ningshawng taw nga ai ni hpe shi ga san san nga ai.
#inspirationalwomen
#womenactivist
#shayichannel
